औषधी वांगं
वांगं ही घरांमध्ये सर्वसाधारपणे आढळणारी भाजी. वांग्याचे वेगवेगळे आकार आणि प्रकार आहेत. काहीजण वांग्याला नाकं मुरडतात. पण साधीशी वाटणारी ही भाजी औषधी आहे. यातल्या अँटीऑक्सिडंट्स तसंच फायबरमुळे हृदयविकाराला आळा घालता येतो, असं काही संशोधनांमधून समोर आलं आहे.
यातल्या पोषक घटकांमुळे ‘फ्री रॅडिकल्स’चा प्रभाव कमी होतो. त्यामुळे वांगं कॅन्सरला अटकाव करू शकतं. यातल्या कमी कॅलरी आणि भरपूर फायबरमुळे वजन कमी व्हायला मदत होते. यातल्या के जीवनसत्त्व, मँगनीज आणि कॉपरमुळे हाडांना बळकटी मिळते.
