साडी घालण्याच्या अयोग्य पद्धतीमुळे होतो साडी कॅन्सर
साडी नेसताना साडी खोचण्यासाठी परकर वापरला जातो. शिवाय अनेक महिला साडी सुटू नये म्हणून साडी बांधण्यासाठी परकर अगदी घट्ट कमरेला बांधतात. ज्यामुळे कंबरेला घर्षण होऊ लागते आणि त्वचा सोलून काळी पडते. अशाप्रकारे वारंवार त्वचा सोलली गेल्यामुळे कॅन्सरसारखा गंभीर आजार उद्भवू शकतो.
महिलांमध्ये या समस्येचा धोका अधिक
केवळ साडीच नाही तर इतर स्कीन फिट पोषाखामुळे देखील ही समस्या उद्भवू शकते. जास्त टाईट कापड घातल्यामुळे शरीराच्या विशिष्ट भागामध्ये असलेली उष्णता आणि आर्द्रतेवर परिणाम पडून, त्या जागेवर त्वचेचा कर्करोग होऊ शकतो. शिवाय या कर्करोगाचे प्रमाण पुरुषांपेक्षा अधिक महिलांमध्ये पाहायला मिळते आहे. भारतातील महिलांमध्ये आढळणाऱ्या एकूण कॅन्सरपैकी 1 टक्के कॅन्सरमध्ये साडीचा कॅन्सर आढळतो. वैद्यकीय भाषेत याला स्क्वॅमस सेल कार्सिनोमा (SCC) असे म्हणतात.
