Asia Cup 2023 Final India vs Sri Lanka Live Score: आशिया कप २०२३चा अंतिम सामना रविवारी भारत आणि श्रीलंका यांच्यात होत आहे. टीम इंडिया आठव्यांदा ट्रॉफी जिंकण्यासाठी आज लंकेशी दोन हात करणार आहे.
Asia Cup 2023 Final India vs Sri Lanka Live Score: शेवटी, आशिया चषक २०२३ची सांगता होणार आहे. १९ दिवस चालणाऱ्या या स्पर्धेतील १३वा आणि शेवटचा सामना आज होणार आहे. भारत आणि श्रीलंकेचे संघ अंतिम फेरीत आमनेसामने आहेत. विजेतेपदाच्या लढतीत दोन्ही संघांमध्ये चुरशीची स्पर्धा होऊ शकते. भारताने सात वेळा तर श्रीलंकेने सहा वेळा हे विजेतेपद पटकावले आहे.
गेल्या वेळी भारताने २०१८ मध्ये आशिया चषक जिंकला होता आणि आता पाच वर्षांनंतर आठव्यांदा हे विजेतेपद पटकावण्याकडे संघाचे लक्ष असेल. भारतीय संघाने गेल्या पाच वर्षांत एकही विजेतेपद जिंकलेले नाही, त्यामुळे त्यांच्या खात्यात आणखी एक ट्रॉफी समाविष्ट करण्याची आज रोहित ब्रिगेडकडे चांगली संधी असेल.
हे ही वाचा :- Maratha Aarakshan : “मराठा आरक्षणाबाबत सरकार संवेदनशील, ‘तो’ व्हिडीओ फिरवणं…”, मुख्यमंत्री एकनाथ शिंदे नेमकं काय म्हणाले?
IND vs SL: भारत विरुद्ध श्रीलंका आशिया कप फायनल हेड टू हेड
एकदिवसीय आशिया चषक स्पर्धेच्या अंतिम फेरीत भारत आणि श्रीलंका आतापर्यंत ८ वेळा भिडले आहेत, ज्यामध्ये भारताने ५ तर श्रीलंकेने ३ जिंकले आहेत. भारताने १९८४, १९८८, १९८८, १९९०, १९९५ आणि २०१० मध्ये आशिया कप फायनलमध्ये श्रीलंकेचा पराभव करून विजेतेपद पटकावले होते, तर श्रीलंकेने १९९७, २००४, २००८ साली आशिया कप फायनलमध्ये भारताचा पराभव करून विजेतेपद पटकावले होते.
