पंढरपूर यात्रेसाठी भाविकांच्या सेवेसाठी लालपरी धावणार, जादा बसेसचे नियोजन

पंढरपूर यात्रेसाठी भाविकांच्या सेवेसाठी लालपरी धावणार, जादा बसेसचे नियोजन, प्रवाशांची वाढती गर्दी लक्षात घेऊन महाराष्ट्र राज्य परिवहन महामंडळाने यापूर्वीच जादा बसेसचे नियोजन केले आहे.

आधीच जादा बसेसचे नियोजन केले आहे. अकोला जिल्ह्यातून पंढरपूरसाठी 200 बसेस धावणार असून, यंदा आषाढी एकादशीचा सण 29 जून रोजी आहे. आषाढी एकादशीनिमित्त विठुरायाच्या दर्शनासाठी महाराष्ट्रासह इतर राज्यातून मोठ्या संख्येने भाविक पंढरपूरला येतात.

पंढरपूर यात्रेनिमित्त एसटी गाड्यांना भाविकांची गर्दी असते. आषाढी एकादशीनिमित्त पंढरपूरला जाणाऱ्या भाविकांच्या सोयीसाठी बसेसच्या जादा फेऱ्या केल्या जातात. प्रवासादरम्यान महामंडळाच्या उत्पन्नातही लक्षणीय वाढ होते.

अकोला विभागातील प्रवाशांच्या सोयीसाठी पंढरपूर यात्रेचे नियोजन करण्यात आले आहे. 29 जूनच्या एकादशीसाठी 15 जूनपासून पंढरपूर यात्रा विशेष गाड्या सोडण्यात येणार आहेत. ५ जुलैपर्यंत बसेस धावणार आहेत.

अकोला विभागातील नऊ आगारातून एकूण 200 बसेस प्रवाशांसाठी उपलब्ध करून देण्यात येणार आहेत. गेल्या वर्षी पंढरपूर यात्रेसाठी १७७ गाड्या देण्यात आल्या होत्या. यावर्षी 200 गाड्यांचे नियोजन करण्यात आले आहे. सध्या ७५ वर्षांवरील नागरिकांना एसटीमध्ये मोफत प्रवासाची सुविधा आहे.

तसेच महिलांच्या तिकिटावर 50 टक्के सूट आहे. प्रवाशांसाठी इतरही सुविधा आहेत. अशा स्थितीत मोठी गर्दी होण्याची शक्यता आहे. हे पाहता यंदा बस गाड्यांची संख्या वाढवण्यात आली आहे. पंढरपूर यात्रेला जाणाऱ्या भाविकांनी याचा लाभ घ्यावा, असे आवाहन महामंडळाने केले आहे.