अजित पवार NCP फुटली: अजित पवार उपमुख्यमंत्री पदाची शपथ घेत आहेत अजित पवार यांनी उपमुख्यमंत्री पदाची शपथ घेतली आहे. राज्य आज रविवारी राजभवनात सकाळपासूनच गोंधळ सुरू होता. त्यामुळे अजित पवार बंडखोरी करून सरकारमध्ये सहभागी होणार असल्याची चर्चा राष्ट्रवादीत सुरू होती.
या चर्चांना आता पूर्णविराम मिळाला असून अजित पवार सरकारमध्ये दाखल झाल्याने आज सकाळपासून राज्याच्या राजकारणात भूकंप सदृश परिस्थिती निर्माण झाली आहे. राष्ट्रवादीचे अनेक आमदार राजभवनात दाखल झाले. अजित पवार सरकारमध्ये सहभागी होणार असल्याची चर्चा सुरू होती. मात्र, सरकारकडून याबाबत कोणताही अधिकृत खुलासा करण्यात आलेला नाही.
हे ही वाचा : – राज्यात मोठा राजकीय भूकंप ! अजित पवार उपमुख्यमंत्रीपदाची शपथ घेणार
अखेर आज दुपारच्या थोडे आधी राजभवनात शपथविधी सोहळा पार पडला. यावेळी अजित पवार यांनी राज्याच्या उपमुख्यमंत्रिपदाची शपथ घेत असल्याची घोषणा केली. अजित पवार म्हणाले, “मी महाराष्ट्र राज्याच्या उपमुख्यमंत्रीपदाची शपथ घेतो, अजित पवार.”
अजित पवार राष्ट्रवादी काँग्रेसच्या प्रदेशाध्यक्षपदासाठी इच्छुक असल्याचे बोलले जात होते. त्यासाठी अजित पवार आपल्या समर्थक आमदारांच्या वतीने पक्षावर दबाव आणत होते. यानंतर अजित पवार यांनी आज अचानक राजभवनात दाखल होऊन मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि इतर कॅबिनेट मंत्र्यांच्या उपस्थितीत उपमुख्यमंत्रीपदाची शपथ घेतली.
त्यामुळे राज्यात आता दोन उपमुख्यमंत्री असणार आहेत.
