देहू, आळंदीत वैष्णव मेळावा! तुकोबांची पालखी आज, माऊलींची पालखी उद्या; आषाढी वारी जगद्गुरू संत तुकाराम महाराजांची पालखी आज, शनिवारी (10 जून) पंढरपूरकडे प्रस्थान करणार आहे, तर संतश्रेष्ठ ज्ञानेश्वर माऊलींची पालखी उद्या, रविवारी (1 जून) पंढरपूरकडे रवाना होणार आहे.
संतश्रेष्ठ ज्ञानेश्वर माऊली उद्या, रविवारी (11 जून) पंढरपूरकडे प्रस्थान करणार आहेत. देहूत मोठ्या संख्येने भाविक दाखल झाले आहेत. पालखी सोहळ्यासाठी मंदिराने जोरदार तयारी केली आहे. पालखी सोहळ्याचे यंदाचे ३३८ वे वर्ष असून ज्ञानोबा-तुकोबाच्या पालखीसह राज्याच्या कानाकोपऱ्यातून भाविक पंढरीची वाटचाल करण्यासाठी आळंदी आणि देहूमध्ये दाखल झाले आहेत.
पालखीचे वेळापत्रक खालील प्रमाणे
आळंदी-देहूकडे जाणार्‍या रस्त्यांवर भागवत धर्माचे ध्वज खांद्यावर घेऊन वारकरी आणि गदावरुन वृंदावनाकडे स्त्रिया घेऊन जाताना दिसतात. टाळ-मृदंगाच्या गजरात सर्वांच्या मुखातून हरिभक्तीचे मंत्र बाहेर पडत आहेत. आळंदी आणि देहू परिसरात आणि पंचक्रोशीत विविध ठिकाणी युद्धपातळीवरचे राहुटे पाहायला मिळत आहेत.
पालखी प्रस्थान सोहळ्यासाठी मोठ्या संख्येने येणारे भाविक व भाविकांच्या सोयीसाठी प्रशासनाकडूनही तयारी करण्यात आली आहे. पोलिसांनी बंदोबस्त वाढवला आहे.तुकोबांच्या पालखीचे आज देहूतून प्रस्थान झाल्यानंतर पालखीचा पहिला मुक्काम देहू येथील इनामदारवाडा येथे आहे.
ही ही वाचा : एसटी बस चा मोफत प्रवास ‘ या ‘ नागरिकांना मिळणार
उद्या माऊलींच्या पालखीचे आळंदीहून पंढरपूरकडे प्रस्थान होणार आहे. पालखीचा पहिला मुक्काम आळंदीतील गांधीवाडा येथे होईल. तुकोबांची पालखी उद्या आकुर्डीत पोहोचणार.
दुपारी तुकोबांच्या पालखीचे प्रस्थान.
शिला मंदिरात विठ्ठल-रखुमाई महापूजा, तपोनिधी नारायण महाराज समाधी महापूजा, पादुका महापूजा आदी विधी पहाटे पाच वाजल्यापासून होणार आहेत. इनामदारवाड्यात सकाळी 10 ते दुपारी 12 या वेळेत कालीचे कीर्तन व तुकोबांच्या पादुकांची पूजा होईल. दुपारी दोनच्या सुमारास पालखीचे प्रस्थान होईल. सायंकाळी पालखी मंदिराची प्रदक्षिणा करून इनामदारवाड्यात पालखी मुक्काम करेल.
