माझी सावित्रीआई

माझी सावित्रीआई खूपचं महान..,
गाऊ किती बरं तीचं मी गुणगानं..??

पाहिले तीने स्त्रिशिक्षणाचे स्वप्नं
ज्योतीबांसह केले अथक प्रयत्नं

सावित्रीमाईंची होती वाट बिकट
चालताना माईंची झाली फरफट

स्त्री-शिक्षणासाठीची आर्थिक झळ
कसली कंबर सोसूनीया ही होरपळ

शेण – गोट्यांचा मारही सहन केला
संघर्ष सावित्रीबाईंचा कामी आला

सोडला नाही स्त्री-शिक्षणाचा वसा
म्हणून चालवीतो आम्ही पुढे वारसा

सावित्रीच्या लेकी आम्ही संघर्षही करतो
मनी सावित्रीआईचा अभिमान बाळगतो

====================