मराठी भाषा गौरव दिनानिमित्त विशेष ( महाराष्ट्राची शान )

विषय : – माझी मायमराठी

काव्य प्रकार – नवाक्षरी
शिर्षक : – महाराष्ट्राची शान

माय मराठी आहे माझी ,
लिला असे गं तिची न्यारी |
हीच आहे भाषा साजरी ,
आहे जगात गोड खरी — !! १ !!

संत याचे महत्व सांगी ,
अमृततुल्य ज्यांची वाणी |
त्यांनी सजविली मराठी ,
असे जिथे ज्ञानाच्या खाणी — !! २ !!

तुका अभंग नि भारूड ,
गाऊनी कविता, पोवाडे |
फुलविली त्यांनी मराठी ,
साहित्य हे मनाने घडे — !! ३ !!

नाना भाषा जरी सिखुया ,
मराठी ही न विसरूया |
मराठी ही आमची आहे ,
साऱ्या जगाला दाखवूया — !! ४ !!

माय मराठी माझा मान ,
हिच महाराष्ट्राची शान |
आहे आमुचा अभिमान ,
देशात हे सर्वांत छान — !! ५ !!

ही विसरणे शक्य नाही ,
गोडवा सर्वां घेता येई |
विदेशी शिकण्या हौस ही ,
मराठी आम्हा गर्व होई — !! ६ !!

---

सौ . शुभांगी कपिल डांगरे
नागपूर