मोबाईल आणि टीव्हीच्या स्क्रीनमधून बाहेर पडणाऱ्या लाईटचा आपल्या डोळ्यांवर दुष्पपरिणाम होतो, हे माहिती असूनही अनेकांना त्याकडे पाहण्याचा मोह आवरता येत नाही आणि तो आवरलाही जात नाही . डोळे हा आपल्या शरीराचा एक मौल्यवान अवयव आहे . मात्र,आपण त्यांची काळजी घेण्याकडे दुर्लक्ष करतो. कारण आपण तासंतास मोबाईल आणि टीव्ही स्क्रीनकडे बघत असतो, ज्यामुळे याचा आपल्या डोळ्यावर खूप वाईट परिणाम होतो .
अशाच आपल्या काही चुकीच्या सवयींमुळे आपली दृष्टी कमी होत असते.
ज्यामध्ये सतत मोबाईलचा वापर करणे, डोळ्यांसाठी आवश्यक असलेले पदार्थ न खाणे , काम करण्याच्या नादात आपण पाणी पिणं टाळणे आणि सतत धूम्रपान करणे अशा चुकीच्या आणि वाईट सवयींचा परिणाम आपल्या डोळ्यांवर दिसून येतो.
आपली दृष्टी वाढवण्यासाठी आहारात ए व्हिटॅमिनचा समावेश करणं गरजेचं आहे. कारण या व्हिटॅमिनची आपली दृष्टी वाढण्यास मदत होते. याशिवाय आणखी कोणकोणत्या गोष्टींमुळे डोळ्यांची दृष्टी वाढू शकते याबाबतच्या काही टिप्स जाणून घेऊया.
लाल भाज्या –
आपले डोळे निरोगी ठेवण्यासह दृष्टी वाढवण्यासाठी आहारात लाल भाज्यांचे समावेश करणं गरजेचं आहे.
या भाज्यांमध्ये गाजर, सिमला मिरची, पपई आणि दूध यांचे समावेश करावा.
डोळ्यांचा व्यायाम करा –
शरीरासोबत डोळ्यांनाही व्यायामाची आवश्यता असते.
डोळ्यांचा व्यायाम करण्यासाठी तुम्ही एक पेन घ्या आणि त्याची टोक पाहात रहा, हळू हळू पेन नाकाजवळ आणा आणि त्यावर लक्ष केंद्रित करा. ते टोक पाहून पेन पुन्हा बाजूला घ्या. असा व्यायाम दिवसातून १० वेळा करा. हा व्यायाम केल्याने डोळ्यांचे स्नायू बळकट होऊन दृष्टी वाढते.
डोळे गोल फिरवा –
जर तुम्हाला तुमची दृष्टी वाढवायची असेल तर तुमचे डोळे गोलाकार गतीने फिरवा. डोळे गोल गोल फिरवत तुम्ही भिंतीकडे बघत राहा, यामुळेही तुमच्या डोळ्यांचे आरोग्य उत्तम राहील.
डोळ्यांची उघडझाप करा –
तुमचे डोळे अधिक कमकुवत होऊ नयेत आणि तुमच्या चष्म्याचा नंबर वाढू नये यासाठी तुमच्या डोळ्यांना ब्रेक देणं गरजेचं आहे. तुम्ही जर डेस्कवरचं काम करत असाल तर काही वेळाने डोळ्यांना ब्रेक द्या. त्यासाठी अधुनमधून डोळ्यांच्या पापण्याची उघडझाप करा.
