लग्नासाठी पती पत्नीच्या वयात योग्य अंतर किती असावे व का ….

‘ना उम्र की सीमा हो न जन्मों का हो बंधन, जब प्यार करे कोई तो देखे केवल मन…’
हे गाणं आपण कित्येक वेळा ऐकलं, गुणुणलं आहे. पण, यामध्ये म्हटल्याप्रमाणे, वयातील अंतर खरंच महत्त्वाचं आहे का?

पती पत्नीमध्ये किती वर्षे वयाचे अंतर असायला हवे याबद्दल अनेकांचे वेगवेगळे मत असू शकते. काळानुसार आता लोकांची विचारदेखील खूप बदलले आहे. त्यामुळे पती पत्नीमधील कमी-अधिक वयाचे अंतर यामुळे त्यांना फारसा फरक पडत नाही.

पण, जशा नाण्याच्या दोन बाजू असतात, तसेच दुसरे सत्य हे देखील आहे की, आजही लग्नापूर्वी या गोष्टींकडे खूप लक्ष दिले जाते.

आजही आपल्या घरातील मोठी मंडळी लग्नासाठी मुलगी शोधताना वयाकडे लक्ष देतात. मुलाचे वय मुलीपेक्षा जास्त असावे असे आपल्या मोठ्यांचे मत असते. पण यामागचे नेमके कारण काय असावे याचा कधी विचार केला आहे का?

एखाद्या व्यक्तीला आयुष्यभराचा जोडीदार बनवून घेण्यापूर्वी अनेक गोष्टी पाहील्या जातात. कुटुंबापासून ते शिक्षणापर्यंत. परंतू, दोघांमध्ये वयाचे अंतर किती असावे याबाबत अजूनही अनेकांच्या मनात संभ्रम आहे.

हेच जाणून घेण्यासाठी आम्ही तज्ज्ञांशी बोललो. तज्ज्ञांच्या मताआधारे, पती पत्नीच्या वयात किती अंतर असावे हे प्रत्येक मुलाने देखील जाणून घेतले पाहिजे. वयातील हा फरक अनेक घटकांवर अवलंबून असतो.
तज्ञांचे मत

डॉ. स्वाती मित्तल, वरिष्ठ मानसोपचारतज्ज्ञ आणि फोर्टिस हॉस्पिटल, नोएडा येथील सल्लागार सांगतात, “ज्याप्रमाणे गाडीच्या दोन्ही चाकांमध्ये समन्वय आवश्यक असतो त्याचप्रमाणे पती-पत्नीमध्येही सामंजस्य असायला हवे. त्यामुळे वैवाहिक जीवन सुखी होते.

हे पण वाचा : –

उपवास करून मुलींना मिळतो चांगला नवरा अन मुलांचं …. वाचा

आनंदी वैवाहिक जीवनासाठी प्रेम, एकमेकांचा आदर, टॉलरंस, स्पेस, वेळ आणि कम्पेटिबिलिटी आवश्यक आहे. पण दोघांच्या वयातील फरकाचा विचार केला तर पती पत्नीपेक्षा मोठा असावा. पती-पत्नीच्या वयात ४ ते ६ वर्षांचे आदर्श अंतर असावे. हे का आवश्यक आहे हे समजून घेण्यासाठी, तुम्हाला अनेक पैलूंचा विचार करावा लागेल.

परिपक्वता स्तरावर (Maturity Level)

डॉक्टर स्वाती मित्तल सांगतात की, मुलांच्या आणि मुलीच्या मॅच्युरिटी लेव्हलमध्ये फरक असतो. मुली 12 ते 14 वर्षांच्या वयातच यौवनात येतात. तर मुले 14 ते 17 वर्षे वयात या अवस्थेला पोहोचतात.

हार्मोन्समधील बदल (Hormonal Changes)

एका विशिष्ट वयानंतर, हार्मोन्समधील बदलांमुळे मुली लवकर वयस्क र दिसू लागतात. नवरा-बायको एकाच वयाचे असतील तर बायको नवऱ्यापेक्षा मोठी दिसेल. त्यामुळे सुद्धा दोघांच्या वयात फरक असावा.

जबाबदारीची भावना (Feeling of Responsibility)

एका अहवालानुसार, मुलांमध्ये जबाबदारीची भावना वयाच्या २६ व्या वर्षी येते. हीच भावना मुलींमध्ये त्याआधीच म्हणजे ५ वर्षांपूर्वीच आलेली असते. मुलांना भावनिकदृष्ट्या परिपक्व होण्यासाठी जास्त वेळ लागतो. मुलगा वयाने मोठा असेल तर त्याला त्याच्या जबाबदाऱ्या चांगल्या प्रकारे समजू शकतील.यासोबतच तो त्याच्या जोडीदारालाही मदत करेल. पण सारख्याच वयाचे असल्याने त्यांच्यात जबाबदारीच्या भावनेचा अभाव दिसून येईल. अशावेळी दोघांनाही आलेल्या परिस्थितीला तोंड देताना त्रास होईल.

आदराची भावना (Feeling of Respect)

सारख्या वय असणाऱ्या पती-पत्नीमध्ये एकमेकांबद्दल आदराची भावना कमी असल्याचे डॉ.स्वाती सांगतात. नवरा वयाने मोठा असेल तर पत्नी त्याच्या निर्णयाचा आदर करेल आणि दोघांमध्ये प्रेम आणि आदर वाढेल. परंतु सारख्या वयाच्या पती पत्नीमध्ये सहसा या भावनेचा अभाव दिसून येतो. खरे तर, दोघांनीही एकमेकांना समजून घ्यावं आणि भावनिक आधार द्यावा असं दोघांच्याही पालकांना वाटतं.

भिन्न विचार आणि परस्पर समज (Difference in Thinking)

सारख्या वयाच्या पती-पत्नीमध्ये मतभेद असू शकतात. त्यांची विचारसरणी क्वचितच एकमेकांशी जुळेल. त्यामुळे दोघांमधील परस्पर समंजसपणा फारसा फुलत नाही आणि छोट्या-छोट्या गोष्टींवरून भांडणे होतात. हा संघर्ष नंतर विभक्त होण्याचे कारणही ठरू शकतो. तेच दोघांच्या वयात अंतर असेल तर, दोघेही एकमेकांना समजून घेऊ शकतात.पती-पत्नीच्या वयातील अंतर दोघांमधील समंजसपणा अधिक दृढ करतो. समजूतदारपणामुळे दोघांचा इगो क्लॅश होत नाही आणि दोघांमध्ये प्रेम कायम राहते.

एकमेकांचे आकर्षण (Attraction to each other)

आपली पत्नी आकर्षक, सुंदर आणि तरुण असावी ही पतीची इच्छा असते, तर पत्नीसाठी केवळ पतीचे प्रेम महत्त्वाचे असते. दोघांमध्ये प्रेम असेल तर, ते नातंही दिर्घकाळ टिकतं. मुलीचे वय मुलापेक्षा कमी असेल तेव्हाच हे शक्य होते. अशा परिस्थितीत दोघांनाही एकमेकांबद्दल आकर्षण आणि आदर टिकून राहील.